Heildarhugmynd mín er um aðrar víddir og 
byrjaði ég á að gera rannsóknarvinnu á 
hugdettum vísindamanna á öðrum hugsanlegum 
víddum en þeim sem við þekkjum. 
Ég kynnti mér eindahraðallinn LHC, eða 
Large Hadron Collider sem CERN (European 
Organization for Nuclear Research) er að 
vinna að.

Núverandi stærsti eindahraðall í heiminum 
er RHIC (Relativistic Heavy Ion Collider) 
og er í Brookhaven rannsóknarstofunni í 
Uptown, New York. 
Margir héldu því fram að sé RHIC settur á 
fullan kraft gæti hann hugsanlega skapað 
svarthol og jafnvel hlið inn í aðra vídd. 
Árið 2005 greindi sjónvarpsstöðin BBC frá 
því að rúmenski vísindamaðurinn Horaţiu 
Năstase sem vinnur með RHIC í Brookhaven, 
hafi óvart skapað „eld-kúlu“ sem líktist 
svartholi.

Hann bjó til eld-kúluna með því að setja 
hraðalinn á fullan kraft. 
Framkvæmdir á LHC eru að klárast og verður 
hann gangsettur í maí 2008, LHC er 7 
sinnum stærri og kraftmeiri en RHIC. 
LHC á að vera notaður til þess að finna 
kenningarefnið „Higgs boson“, sem á að 
vera efnið sem bindur allt í heiminum, með 
því að finna það komast þeir eins nálægt 
„the big bang“ og hægt er.

Meðal þess að finna Higgs boson vonast 
vísindamennirnir sem vinna að LHC líka til 
þess að skapa hlið inn í aðrar víddir, 
ferðast um tíma og margt fleira. 
Út frá öllu þessu rakst ég á svokallaðar 
„draumavíddir“; ímyndaðir heimar 
skapaðir af rithöfundum og öðrum 
hugmyndaríkum einstaklingum.

Draumaheimarnir eru oft fyrir framan nefið 
á okkur án þess að við höfum nokkurn grun 
um það. Ég svipaðist enn meir um 
þessar víddir og rakst loks á draumalandið 
Oz (The Wonderful Wizard of Oz eftir 
Lyman Frank Baum). Kansas stelpan Dorothy 
þeyttist upp í hvirfilbyl og ferðaðist með 
honum inn í draumalandið Oz.

Oz var í „raun og veru“ í Nevada 
eyðimörkinni í Bandaríkjunum, falin frá 
mannsauganu. Í Oz eru 5 sýslur, hver sýsla 
hefur sinn lit (Fjólublár, gulur, rauður, 
blár og grænn) allt umhverfi og allir íbúar 
eru í sínum viðeigandi lit eins og sýslan. 
Verkið mitt notast á við sömu auðkenni og 
reglur og eru í Oz; litaskiptar „sýslur“, 
töfrar og síðast en ekki síst draumavídd 
sem er falin í okkar umhverfi.